係香港都想食到日本新鮮直送水產？唔係無計既，
朋友推介我黎呢間尖沙咀主打磯燒活水產既"焱丸水產"，
聽講佢地既食材都係由日本即捕即送，包保黎到香港
都仲係咁生猛，呢到既鋪面唔算好大，裝潢就以日本
傳統居酒屋風格為主，偏黃既燈光配埋木系主調有種
好自在放鬆既感覺，每張枱都有個小烤爐，
如果點左海鮮，Staff仲會幫你serve埋，
唔洗自己燒，懶人大愛呀！👇
-
📌麻醬蕃茄豆腐沙律 - $58
👉首先冷盤少不免，整返個沙律就最直接呀！
材料非常豐富，蕃茄、豆腐、沙律菜、青瓜外、
黃椒粒、紅椒粒同埋粟米片，每樣角色都各有戲份，
感覺好似缺一不可咁，淋上芝麻醬，撈勻一齊食，
清新又好味，簡直打響左個頭炮呀！
-
📌刺身3盛 - $160
👉接住上就一定係刺身啦，淨係睇刺身顏色配搭，
就知道師傅有料呀。第一件事即刻拎部電話出黎幫
佢地影套寫真先啦！刺身包活三文魚、油甘魚、
吞拿魚。油甘魚肉質結實有彈性，三文魚油脂
分佈均勻，帶子味道鮮甜，每塊刺身都屬於厚切，
口感細緻，絕對係必點之選！
-
📌焱丸號壽司 - $158
👉正所謂日本野食住上，呢碟壽司係有吸晴之處，
以軍艦黎講，裡面既餡料係多到爆哂出黎，
我d口水都瞬間流哂出黎呀！左邊係海膽三文魚籽，
甘甜鮮美，中間係吞拿魚茸蟹肉，呢個配搭幾新鮮，
右邊係蟹棒絲，口感都唔錯，整體組合層次好豐富，
呢個都係招牌菜，食得過！
-
📌炸蓮藕片 - $35
👉真係炸到好似薯片咁香脆，要大讚既係醬汁調味
較得岩岩好，係好食到停唔到手呀！用黎送啤酒
又點走得甩呀。
📌辣味炸豆腐 - $38
👉睇落就好似港式金磚豆腐，實則咬落外層
有少少辣味，同時又食到裡面豆腐既嫩滑，
都係果句啦，不知不覺一啖又一啖LOL..
-
▪ 蟹味噌甲羅燒 - $68
▪ 黑松露蟹肉甲羅燒 - $68
▫ 黎到呢晚我最期待既甲羅燒！我地分別試左
兩個口味，味噌同埋黑松露，出面係個松葉蟹蓋，
裡面放左蟹膏、蟹肉、蟹籽、青蔥，加埋原粒鵪鶉蛋。
再放上烤爐擺５分鐘，然後Staff會將所以配料攪勻，
咁就為之甲羅燒啦！新鮮滾熱辣既蟹膏味，
無一啖都好矜貴。想食得更加滋味，
就應該將旁邊既青瓜絲放埋落去一齊食，
可以帶返成個清新同層次感。特別好食！
-
▪ 海膽帆立貝燒 - $85
▪ 松葉蟹膏帆立殼燒 - $80
▪ 鮑魚殼燒 - $136
▫ 甲羅燒完左，仲未夠喉wor，加埋呢個帆立貝燒啦，
水產新鮮真係唔同d，賣相肥卜卜，每啖咬落都係軟綿綿，嫩滑到不得了！鮑魚入口好軟腍，唔難咬，
就咁食唔洗點汁都夠哂鮮甜！當然Staff既功勞都好重要！
-
▪ 日式甜醬牛肉鍋 - $108
▪ 鍋用烏冬 - $35
▫ 最後食埋個小鍋，咁就完滿結束啦，
牛肉質素唔錯，油花算幾靚，烏冬亦唔差，
質感幼滑，撈埋個湯汁無得輸呀！
-
▪ 卡西斯梳打 - $58
▪ 鹽檸檬High Ball - $58
▫ 我會比較鍾意卡西斯梳打，有種甜莓味，
味道香甜，比較易入口。
-
📍 焱丸水產
🎈 尖沙咀棉登徑23號華楓大廈地下5&6號舖
Search